AEGON

I.

AEGON

Rex Argivorum, primus creatus, postquam defecit Heraclidarum familia, ex qua regem eligere mos illis antiquitus erat: ii namque per oraculum sciscitantes, qui rex creari deberet, responsum acceperunt, Aquilam id ostensuram: paucisque admodum post diebus, Aquila superne delapsasuper Aegonis domo consedit, atque ita omnium consensu Aegon Rex creatus est. Nic. Lloydius.

II.

AEGON

pastor apud Theocritum et Virg. Ecl. 5. quô etiam nomine promontorium Lemni dictum est. Aegon etiam Carysti, Euboeae civitatis, princeps. Ponitur item aliquando Aegon pro Aegaeo mari. Stat. l. 5. Theb. v. 88.

---- ---- Ventisque absentibus Aegon

Motus, et ingenti percussit litora pontô

Val. Flacc. l. 1. Argon. v. 628.

------ Vix litore puppim

Solvimus, et quanto fremitu se sustulit Aegon!

Aristor. in meteor. Αἰγὼν fluv. est Africae, ex Aethiopiae montibus nascens. Vide Aegaeum.

III.

AEGON

pugil quidam in Zacyntho insula, qui taurum ferum calcibus prehensum e monte in urbem pertractum Amaryllidi donavit: et 80. placentas solus comedit: de eo Theocrit. Eidyll. 4.